Sirdaryo viloyati Oqoltin tumanida Nexia avtomobili Nexia-3’ga borib urildi.
2021-yil 27-dekabr kuni soat 22:00 larda T.A. boshqaruvida bo‘lgan avtomashinasini Oqoltin tumani, “Shodlik” MFY hududidan o‘tuvchi 4R-33 avtoyo‘lining 9-kilometrida Uchtom—Guliston yo‘nalishi bo‘ylab boshqarib, qarama-qarshi yo‘nalishda harakatlanib borayotgan N.S.ning boshqaruvida bo‘lgan avtomashinaning old qismiga urib, yo‘l-transport hodisasi sodir qilgan.
Oqibatda Nexia-3 haydovchisi S.N va yo‘lovchisi N.J. hamda Nexia-1 haydovchisi T.A. turli darajadagi tan jarohatlari olib, tibbiyot muassasalariga yotqizilgan.
Sudga oid tibbiyot ekspertizasida J.N. va S.N.ning olgan tan jarohatlari “hayot uchun xavfli bo‘lgan og‘ir shikast” deb baholanishi qayd etilgan.
T.A.ga oid jinoyat ishi jinoyat ishlari bo‘yicha Sardoba tuman sudida ko‘rib chiqilib, unga nisbatan Jinoyat kodeksining 266-moddasi 1-qismi bilan 45-moddasini qo‘llab 2 yil muddatga transport vositalarini boshqarish huquqidan mahrum qilib, bazaviy hisoblash miqdorining 25 baravari miqdorida, ya’ni 6 750 000 so‘m jarima jazosi tayinlanib, sudlanuvchi T.A dan jabrlanuvchilar foydasiga 63 542 955 so‘m moddiy zarar undirilishi belgilandi.
Izoh (0)