Angliyalik milliarder “Manchester Yunayted” aksiyalarining katta qismini sotib olib, jamoa nazoratini qo‘lga olmoqchi

Angliyalik milliarder Jim Retkliff “Manchester Yunayted”ni xarid qilish haqida o‘ylamoqda.

“Ser Jim Retkliff ‘Manchester Yunayted’ aksiyalarining bir qismini sotib olmoqchi. Keyinchalik Gleyzerlar yangi sarmoyalarni qabul qilsa, to‘liq nazoratni qo‘liga olish istagida.

Agar klub sotuvga qo‘yilgan bo‘lsa, Jim uni xarid qilish uchun asosiy da’vogar bo‘ladi”, — deydi tadbirkorning vakili The Times bilan suhbatda.

Retkliff Ineos kimyoviy kompaniyasining asoschisi hisoblanadi. 2020-yilda uning boyligi 28,2 milliard funtga baholangan, Bloomberg Billionaires Index reytingida 55-o‘rin, Buyuk Britaniyaning eng boy odamlari ro‘yxatida esa 2-o‘rinni egallagan.

Gleyzerlar oilasi 2005-yildan buyon “Manchester Yunayted”ni boshqarib keladi.

Avvalroq amerikalik milliarder Ilon Mask “qizil iblislar”ni sotib olmoqchi ekanligini ma’lum qilgandi. Birozdan so‘ng esa bu uning hazili ekanligini ta’kidlab o‘tgandi.