“Yuzta xabardan 5 tasi haqiqatga yaqin”. Ronaldu o‘zi haqida yangrayotgan mish-mishlarga munosabat bildirdi

Krishtianu Ronaldu so‘nggi vaqtlarda o‘zi haqida yangrayotgan xabarlarga munosabat bildirdi.

“Manchester Yunayted” hujumchisi Instagram’da transferlarga oid mish-mishlar borasida fikr qoldirdi.

“Bir necha haftadan keyin intervyu berganimdan keyin haqiqatni bilishadi. OAV aldamoqda.

So‘nggi oylar ichida yozilgan 100 ta yangilikdan faqat beshtasi haqiqatga yaqin. Ishlar aslida qanday ketayotganini o‘zingiz tasavvur qilib olavering”, — deydi Ronaldu.

Portugaliyalik futbolchi “Manchester Yunayted”ning mavsumoldi tayyorgarlik jarayonining katta qismida ishtirok etmadi. Ko‘plab OAVda futbolchi Chempionlar Ligasi yo‘llanmasini qo‘lga kiritgan klub safiga o‘tmoqchi ekani haqida yozdi.

Avvalroq “Manchester Yunayted” Ronalduning ishga bo‘lgan munosabatidan norozi ekani va uni qo‘yib yuborish haqida o‘ylayotgani haqida xabar qilingandi.

Mazvuga doir: Gari Nevill: “Manchester Yunayted” futbolchilar uchun qabristonga aylanib qoldi