Англиялик миллиардер Жим Ретклифф «Манчестер Юнайтед»ни харид қилиш ҳақида ўйламоқда.
«Сер Жим Ретклифф ‘Манчестер Юнайтед’ акцияларининг бир қисмини сотиб олмоқчи. Кейинчалик Глейзерлар янги сармояларни қабул қилса, тўлиқ назоратни қўлига олиш истагида.
Агар клуб сотувга қўйилган бўлса, Жим уни харид қилиш учун асосий даъвогар бўлади», — дейди тадбиркорнинг вакили The Times билан суҳбатда.
Ретклифф Ineos кимёвий компаниясининг асосчиси ҳисобланади. 2020 йилда унинг бойлиги 28,2 миллиард фунтга баҳоланган, Bloomberg Billionaires Index рейтингида 55-ўрин, Буюк Британиянинг энг бой одамлари рўйхатида эса 2-ўринни эгаллаган.
Глейзерлар оиласи 2005 йилдан буён «Манчестер Юнайтед»ни бошқариб келади.
Аввалроқ америкалик миллиардер Илон Маск «қизил иблислар»ни сотиб олмоқчи эканлигини маълум қилганди. Бироздан сўнг эса бу унинг ҳазили эканлигини таъкидлаб ўтганди.
Изоҳ (0)