Iqlimshunoslarning xalqaro jamoasi yadro urushining ehtimoliy oqibatlari bo‘yicha o‘z tadqiqotini e’lon qildi. Ularning hisob-kitoblariga ko‘ra, Rossiya va AQSH o‘rtasida mojaro kelib chiqsa, 360 million kishi halok bo‘ladi. Keyingi global ocharchilik esa yana 5 milliard kishining nobud bo‘lishiga olib kelishi mumkin. Avstraliyadan tashqari barcha qit’alar qishloq xo‘jaligi sohasida salbiy oqibatlarni boshidan kechiradi. Bu haqda “Kommersant” xabar bermoqda.
Tadqiqot Ratger universiteti (AQSH), Bergen universiteti (Norvegiya), Potsdam iqlim o‘zgarishini o‘rganish instituti (Germaniya), Luiziana shtat universiteti (AQSH) va boshqalar olimlar tomonidan o‘tkazilib, Nature Food jurnalida chop etilgan.
Tadqiqot yuzasidan iqlimning atrof-muhitga ta’sirini o‘rganish imkonini beruvchi model ishlab chiqildi. Bunda Hindiston va Pokiston hamda Rossiya va AQSH o‘rtasidagi qishloq xo‘jaligi masalalari o‘rganilgan.
Bundan tashqari, Hindiston va Pokiston o‘rtasidagi urush kamida besh yilda barcha asosiy ekinlar hosildorligining keskin tushib ketishiga olib kelishi mumkin. Natijada oziq-ovqat ishlab chiqarishning o‘rtacha 7 foizga kamayishi tufayli yuz millionlab odamlar ochlikdan nobud bo‘ladi.
Izoh (0)