Qrimda yonayotgan harbiy omborlar, Donbassda front chizig‘idagi ayol harbiy xizmatchilar, urushdan bexabar bo‘lgan qariya. Urushning 174-kunidan fotoreportaj
16-avgust kuni Qrim shimolidagi o‘q-dorilar omborida ketma-ket portlashlar sodir bo‘ldi. Elektr stansiyasi, temir yo‘l, shuningdek, bir qator turar joylar zarar ko‘rdi. Rossiya Mudofaa vazirligi diversiya (qo‘poruvchilik) haqida ma’lum qilmoqda, Ukraina prezidenti ofisi rahbari maslahatchisi Mixail Podolyak esa bunday “diversiyalar” soni faqat o‘sib borishini aytib javob qildi. Ukrainada maktab dasturidan rus tili va rus adabiyoti olib tashlandi, tarix bo‘yicha kursga esa “rashizm” tushunchasi kiritildi. Finlyandiya sentabrda rossiyaliklar uchun sayyohlik vizalarini hozirgi darajadan o‘n baravar kamaytirmoqchi. Latviya hukmron koalitsiyasi esa mamlakatda rossiyaliklar uchun berilgan istiqomat uchun guvohnomalar kamdan-kam holatlardagina uzaytirilishi haqida kelishib oldi. Meduza urushning 174-kuniga oid asosiy fotosuratlar bilan bo‘lishdi.
Kunning asosiy voqeasi. Qrimda yonayotgan omborlar
Qrimning Jankoy tumanidagi Mayskoye aholi punkti yaqinida joylashgan harbiy omborlar hududidagi yong‘indan chiqayotgan tutun. Portlashlar ertalab oltilarda boshlanib, bir necha soat davom etdiFoto: “TASS”
Rossiyalik harbiylar, politsiyachilar va FVV xodimlari Azovskoye qishlog‘ida (u Mayskoye qishlog‘iga yondosh). O‘sha kuni, 16-avgustda, Jankoyda transformator quyi stansiyasi yonib ketdiFoto: “TASS”
Azovskoye qishlog‘idan bolalar avtobuslarda evakuatsiya qilinmoqda. Mahalliy hukumat harbiy omborlar hududidagi portlashlardan keyin mahalliy aholini evakuatsiya qilishga qaror qildi. Odamlar besh kilometrlik hududga olib ketilib, qo‘shni qishloqlardagi maktablarga joylashtirilmoqda, dedi Qrim rahbari Sergey Aksenov. Jami uch ming kishi evakuatsiya qilinganFoto: “TASS”
Donbass shimoli
Donbass, Udachnoye stansiyasi. Qizcha uni G‘arbiy Ukrainaga olib ketayotgan evakuatsiya poyezdidan mo‘ralamoqda. Ukraina hukumati iyul oxiridayoq Donetsk viloyatidan majburiy evakuatsiya haqida e’lon qilgandi. Mintaqaning Ukraina nazorati ostidagi qismida gaz quvurlari vayron bo‘lgan, shuning uchun u yerlarda qish mavzumida isitish tizimi ishlamaydiFoto: AFP
Ukraina armiyasi kapitani Svetlana (chapda) va ko‘ngilli Irina (o‘ngda) Donbass yaqinidagi front chizig‘ida. Ukraina qurolli kuchlarida 50 mingdan ortiq ayollar xizmat qiladi, shularning besh mingdan ko‘pi — oldingi frontdaFoto: Anadolu Agency
Ukraina askarlari, katta ehtimol bilan, o‘lja qilib olingan BTRda Donbassda, Baxmut yaqinida ketmoqda. 16-avgust kuni Rossiya qo‘shinlari Baxmutga hujumni davom ettirdiFoto: Reuters
Erkak Slavyanskda zarbalardan zarar ko‘rgan uyda gulchelak yordamida olovni o‘chirishga urinmoqda. Shahar meri Vadim Lyax tasdiqlashicha, 16-avgustga o‘tar kechasi Slavyansk o‘qqa tutilgan — bir nechta mikrotumanlar va peduniversitet yotoqxonasiga zarar yetgan. Qurbonlar haqida xabar berilmayaptiFoto: Anadolu Agency
Erkak Kramatorskda vayron bo‘lgan hovli-joy oldida cho‘kkalab o‘tiribdi. Tungi hujum chog‘ida bir nechta uylar vayron bo‘lgan. Biroq Kramatorsk meri Aleksandr Goncharenko ma’lum qilishicha, qurbonlar yo‘qFoto: Anadolu Agency
Ayol Kramatorskda vayron bo‘lgan uylar yonida itini sayr qildirmoqdaFoto: AP Photo
96 yoshli Mariya Tkachenko Baxmut yaqinida o‘z uyidagi karavotda yotibdi. Uning uyidan front chizig‘igacha bo‘lgan masofa — 20 km. Uning nevarasi so‘zlariga ko‘ra, Mariya urush haqida hech narsa bilmaydi — qarindoshlari unga harbiylar mashqlar olib borilayotganini aytadiFoto: Reuters
Izoh (0)