Qozog‘iston hukumati yangi o‘quv yilidan boshlab birinchi sinf o‘quvchilari uchun birdaniga uchta tilni o‘rganishni bekor qildi, deya ma’lum qilgan ta’lim vaziri Asxat Aymagambetov. Bu haqda Asia-Plus nashri xabar bermoqda.
Hozirgacha Qozog‘iston maktablarida birinchi sinf o‘quvchilariga bir vaqtning o‘zida uchta til – qozoq, rus va ingliz tillari o‘rgatilayotgan edi.
Endilikda birinchi sinfdan boshlab bolalar faqat qozoq tilini o‘rganadi, chunki rus va ingliz tillarini o‘rganish uchun ular avvalo o‘z ona tilida o‘qish va yozishni bilishi kerak.
Ikkinchi sinfdan boshlab rus tilini o‘rganish alohida fan sifatida boshlanadi, uchinchi sinfdan boshlab esa barcha maktablar uchun ingliz tili o‘qitilishi yo‘lga qo‘yiladi”, — degan Aymagambetov.Xalq ta’limi vazirining birinchi o‘rinbosari Sholpan Karinovaning ta’kidlashicha, ta’lim turi qozoq tilida olib boriladigan sinflarda ham, rus tilida olib boriladigan sinflarda ham rus tili bir xil rejimda o‘qitilishda davom etmoqda.
Izoh (0)