Иқлимшуносларнинг халқаро жамоаси ядро урушининг эҳтимолий оқибатлари бўйича ўз тадқиқотини эълон қилди. Уларнинг ҳисоб-китобларига кўра, Россия ва АҚШ ўртасида можаро келиб чиқса, 360 миллион киши ҳалок бўлади. Кейинги глобал очарчилик эса яна 5 миллиард кишининг нобуд бўлишига олиб келиши мумкин. Австралиядан ташқари барча қитъалар қишлоқ хўжалиги соҳасида салбий оқибатларни бошидан кечиради. Бу ҳақда «Коммерсантъ» хабар бермоқда.
Тадқиқот Ратгер университети (АҚШ), Берген университети (Норвегия), Поцдам иқлим ўзгаришини ўрганиш институти (Германия), Луизиана штат университети (АҚШ) ва бошқалар олимлар томонидан ўтказилиб, Nature Food журналида чоп этилган.
Тадқиқот юзасидан иқлимнинг атроф-муҳитга таъсирини ўрганиш имконини берувчи модель ишлаб чиқилди. Бунда Ҳиндистон ва Покистон ҳамда Россия ва АҚШ ўртасидаги қишлоқ хўжалиги масалалари ўрганилган.
Бундан ташқари, Ҳиндистон ва Покистон ўртасидаги уруш камида беш йилда барча асосий экинлар ҳосилдорлигининг кескин тушиб кетишига олиб келиши мумкин. Натижада озиқ-овқат ишлаб чиқаришнинг ўртача 7 фоизга камайиши туфайли юз миллионлаб одамлар очликдан нобуд бўлади.
Изоҳ (0)