Фарғона вилоятининг Учкўприк туманида чет эл валютасини ноқонуний муомалага киритилишининг олди олинди, деб хабар бермоқда Бош прокуратура ҳузуридаги департамент.
Маълум қилинишича, департаментнинг Учкўприк туман бўлими томонидан ўтказилган тезкор тадбирда, туман марказидаги авиакасса атрофида валюта қимматликлари савдоси билан шуғулланиб келган У.Р. фуқаро Д.га жами 3 250 АҚШ долларини 35,7 миллион сўмга сотишга келишиб, шундан 1 750 АҚШ долларини берган вақтида ашёвий далиллар билан ушланган.
Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)