Donetskda o‘t ochishni to‘xtatish rejimini nazorat qilish va muvofiqlashtirish bo‘yicha birlashgan markazi ma’lumotlariga ko‘ra, hududdagi PFM piyodalarga qarshi minasi portlashi natijasida rossiyalik jurnalist vafot etdi. Bu haqda “Interfaks” xabar bermoqda.
Donetskning Kirovskiy tumanida 1997-yilda tug‘ilgan qiz — Rossiyaning RT (Russia Today) telekanali muxbiri “Lepestok” PFM minasi portlashi natijasida yaralanganidan so‘ng og‘ir jarohatlar bilan kasalxonada vafot etdi”.Aniqlik kiritilishicha, 16-avgust kuni soat 08:30 holatiga ko‘ra, respublika bo‘yicha PFM piyodalarga qarshi minalarida tinch aholini jarohatlash yuzasidan 45 ta holat qayd etilgan.
Keyinroq esa RT marhumning telekanal bilan hamkorlik qilmagani haqidagi iddao bilan chiqqan.
Qator ommaviy axborot vositalari Donbassda halok bo‘lgan ko‘ngilli jurnalist Zemfira Sulaymonova RT xodimi ekani haqida ma’lumot tarqatgan. Biroq bu haqiqatga to‘g‘ri kelmaydi: qiz hech qachon bizning telekanalda ishlamagan. Shunday bo‘lsada marhumaning do‘stlari va yaqinlariga hamdardlik bildiramiz”, — deyiladi RT Telegram-kanalida.
Izoh (0)