Yevropada elektr energiyasini yetkazib berish bo‘yicha kelasi yil uchun shartnomalar narxi yangi, yuqori darajaga yetdi. Bu haqda Bloomberg xabar bermoqda.
Yevropa energiya birjasidagi savdolar natijasida Germaniyada fyuchers shartnomasi 3,2 foizga oshib, 1 MVt/soat uchun 475 yevroni (487 dollar) tashkil etdi.
Bu o‘tgan yilga nisbatan deyarli olti baravar yuqori. Buyuk Britaniyada elektr energiyasini yetkazib berish bo‘yicha shartnoma narxi yetti marta oshdi — 1 MVt/soat uchun 591 funt sterlingga (713 dollar) yetdi.
Agentlikning qayd etishicha, Yevropada elektr energiyasiga talabning yuqoriligi mintaqada havo haroratining oshishi bilan bog‘liq.
G‘ayritabiiy issiqlik yevropaliklarni elektr tarmog‘idan quvvatlanadigan termal nazorat qurilmalaridan foydalanishga majbur qilmoqda.
Rystad Energy tahlilchisi Fabian Ronningenning fikricha, qit’ada yadro, gidroelektr va ko‘mir quvvatlarining past darajasi tufayli elektr energiyasi narxining oshishi tez orada to‘xtamaydi.
Yevropa hukumatlari elektr energiyasi narxlarini tartibga solish bo‘yicha qo‘shimcha chora-tadbirlarni ko‘rib chiqmoqda.
Fransiya hukumati dunyodagi eng yirik AES operatori Electricite de France’ni butunlay milliylashtirishni rejalashtirmoqda.
Avvalroq Yevropada gaz narxi mart oyidan beri birinchi marta 2 400 dollardan oshgan edi.
Izoh (0)