“Daryo” tahririyatiga kelib tushgan ma’lumotga ko‘ra, Jizzax viloyatining Paxtakor tumanida 3 yoshli qizaloq olgan og‘ir tan jarohatlari oqibatida shifoxonada vafot etgan.
Holatga oydinlik kiritish maqsadida “Daryo” muxbiri Musulmonbek Ibrohimov Jizzax viloyati prokuraturasi axborot xizmati bilan bog‘landi.
Prokuratura bergan ma’lumotga ko‘ra, haqiqatan ham Paxtakor tumanida 3 yoshli qizaloq vafot etgan. Qo‘shimcha qilinishicha, marhum qizaloqni yaqin qarindoshi kaltaklab, og‘ir tan jarohati yetkazgan.
Hodisa yuzasidan Jinoyat kodeksining 104-moddasi (qasddan badanga og‘ir shikast yetkazish) bilan jinoyat ishi qo‘zg‘atilgan. Lekin moddaning qaysi bandi bo‘yicha ish yuritilayotgani aytilmagan.
Agar qizaloq vafot etgani hisobga olinsa, holat Jinoyat kodeksining 104-moddasi 3-qismi (qasddan badanga og‘ir shikast yetkazish) “d” bandi jabrlanuvchining o‘lishiga sabab bo‘lsa — sakkiz yildan o‘n yilgacha ozodlikdan mahrum qilish bilan jazolanishi qayd etilgan.
Tasdiqlanmagan ma’lumotlarga ko‘ra, qizaloq 12-avgust kuni Paxtakor tumani markaziy shifoxonasining shoshilinch reanimatsiya bo‘limiga o‘ta og‘ir holatda olib kelingan.
Qizchaning onasi Turkiyaga ishlash uchun ketgan, u xolasining qo‘lida qolgan. Qizcha shunchalik xo‘rlaganki, ko‘karmagan joyi qolmagan. O‘ng qo‘li singan, yuz ko‘zlari ko‘karib, shishib ketgan. Hamma joyida shilingan, ko‘karishlar bor, og‘iz bo‘shlig‘i — milklari yiringlab ketgan.
Izoh (0)