Bir qator premium minigarnituralar ishlab chiqaruvchi kompaniyalar o‘z mahsulotlarini Rossiyaga yetkazib berishdan bosh tortgani sababli, Rossiyada chorak oxirigacha quloqchin tanqisligi yuzaga keladi. Bu haqda “Kommersant” xabar berdi.
Eng yirik bozorlar vakillari parallel import tufayli ularda yetarli miqdorda tovar borligiga ishontirmoqda. Ammo mutaxassislarga ko‘ra, bu sxema bo‘yicha import qilinadigan mahsulotlar ko‘pincha qalbaki bo‘lib chiqadi.
Sennheiser, Marshall, Sony va boshqa bir qator kompaniyalar premium-segmentli quloqchinlarni mamlakatga yetkazib berishni Ukrainada urush boshlanganidan keyin to‘xtatgan.
DiHouse’dagi “Aksessuarlar” yo‘nalishi boshlig‘i Olga Polonovskayaning so‘zlariga ko‘ra, chakana sotuvchilardagi zaxiralar taxminan 3 oy uchun yetarli.
Biz muntazam ravishda mijozlardan JBL, Sony va boshqa brendlarning quloqchinlarini yetkazib berish bo‘yicha so‘rovlarni olamiz, javonlarimiz esa asta-sekin bo‘shab bormoqda, — deydi u.
JBL, Bose, Harman Kardon Rossiyada vakolatxonalarini yopdi, boshqalar bayonot bermagan bo‘lsa-da, mamlakatga tovar jo‘natmayapti, ular orasida Marshall, Sennheiser, Samsung, Sony ham bor.
Bu brendlarning barchasida davlat shartnomalari mavjud edi. Shuning uchun bu kompaniyalarning bozordan chiqib ketishi nafaqat rasmiy distribyutorlarni balki, hududlardagi konsert maydonlarining ovoz muhandislarini ham xavotirga solgan.
Xitoy brendlari, masalan, Edifiyer, allaqachon Sennheiser o‘rnini to‘ldirishga harakat qilmoqda.
Izoh (0)