“Manchester Siti” argentinalik futbolchi Klaudio Echeverrini Germaniyaning “Bayer Leverkuzen” klubiga bir mavsum uchun ijaraga berishga tayyor. Bu haqda CityXtra nashri xabar berdi.
19 yoshli futbolchi 2025-yil boshida “River Pleyt”dan “Manchester Siti”ga tarkibiga qo‘shilgan edi. U asosiy jamoa safida Premyer Liga va Angliya Kubogi doirasidagi o‘yinlarda maydonga tushdi va hatto Klublar o‘rtasidagi Jahon chempionatida “Al-Ayn” darvozasiga gol urishni ham uddaladi.
Shunga qaramay, “Manchester Siti” murabbiylar shtabi Echeverrining 2025/26-yilgi mavsumni ijarada o‘tkazishi uning keyingi faoliyati uchun eng to‘g‘ri qaror deb hisoblamoqda. Chunki Pep Gvardiola jamoasining yarim himoya chizig‘ida raqobat juda ham katta.
Yozda Echeverri uchun “Borussiya D” va “Roma” ham taklif jo‘natgan edi. Dortmund klubi futbolchini sotib olish huquqi bilan ijaraga olmoqchi, Rim klubi esa bir yillik ijara va keyinchalik 33 million yevrolik majburiy sotib olishni taklif qilgan. “Manchester Siti” esa har ikkala variantni rad etdi.
“Bayer Leverkuzen” bilan kelishuv to‘liq bir yillik ijara shaklida bo‘lib, sotib olish bandi kiritilmagan. Germaniya klubi futbolchiga ichki chempionat va Chempionlar Ligasida muntazam o‘yin amaliyoti bera oladi, bu esa “Manchester Siti”ning uzoq muddatli rejalariga to‘liq mos keladi. Echeverri yaqin kunlarda Germaniyaga uchib ketishi hamda u yerda tibbiy ko‘rikdan o‘tishi kutilmoqda.
Izoh (0)