Telegram jamoasi ilovaning yangi versiyasini taqdim qildi.
Bu yozda Telegram faol foydalanuvchilari 700 milliondan oshdi hamda barchaga qo‘shimcha funksiyalardan foydalanish imkonini beruvchi Telegram Premium obunasi ishga tushirildi.
Bu safargi yangilanishda Emoji platformasi, xabarlar va izohlarda animatsiyali maxsus emoji to‘plamlari, Telegram Premium’ni hadya sifatida berish imkoniyati, ovozli xabarlar uchun yangi maxfiylik sozlamasi va boshqalar taqdim etildi.
Maxsus animatsiyali emojilar
Telegram Premium foydalanuvchilari uchun unikal san’at uslublari va qahramonlarga ega maxsus to‘plamlarni yuklashi mumkin bo‘lgan ochiq emoji platformasini ishga tushirildi.
Yangi animatsiyali emojilarni xabarlar matni va media izohlariga kiritish mumkin. Telegram Premium foydalanuvchilari 10 ta dastlabki maxsus emoji to‘plamidan foydalanish imkoniga ega bo‘ladi.
Ularning har biri unikal qahramonlarga ega o‘nlab emojilardan tashkil topgan va jami 500 ta Premium emojidan iborat.
Barcha foydalanuvchilar, Premium yoki oddiy bo‘lsin, animatsiyali emojilarni ko‘rishi mumkin.
Istalgan kishi Saqlangan xabarlar chatida barcha animatsiyali emojilardan sinash yoki qayd va eslatmalariga qo‘shimcha joziba berish uchun bepul foydalanishi ham mumkin.
Barcha to‘plamlar emoji tavsiyalariga qo‘shilgan – :smile yoki :lol kabi tezkor tugmalarni kiriting, shunda butun kutubxonadan natijalarni ko‘rasiz. Statik emoji kiritilsa ham barcha animatsiyali to‘plamlaringizdan tavsiyalarni ko‘rsatadi.
Interaktiv maxsus emojilar
Ko‘plab mashhur maxsus emojilar yakkama-yakka chatlarda yuborilganida interaktiv ham bo‘ladi – istalgan foydalanuvchi sinxron butun ekran effektlarini ijro etish uchun uni ustiga bosishi kerak.
iOS uchun ilovada yangi stiker, GIF va emojilar paneli
iOS uchun ilovada stikerlar paneli Android, desktop va veb ilovalardagi kabi stikerlar, GIF’lar va emojilar uchun alohida sahifalar bilan yangi ko‘rinishga ega bo‘ldi.
Barcha ilovalarda GIF bo‘limi endi yaqinda o‘tkazilgan tanlovga yuborilgan ishlar evaziga film va shoulardan minglab GIF’larga ega bo‘ldi.
Ovozli xabarlarni cheklash imkoniyati
Premium foydalanuvchilar kimlarga ovozli va video xabarlar yubora olishini boshqarish imkonini beruvchi yangi sozlamadan foydalanishi mumkin.
Boshqa maxfiylik sozlamalari kabi ushbu sozlama ham istisnolarni qo‘llab-quvvatlaydi, muayyan odamlar yoki guruhlar uchun ovozli xabarlarni yuborish imkoniyatini Hech qachon yoki Har doim qilib tanlash mumkin.
Agar kimdir ovozli suhbat uchun noqulay vaqtni tanlasa, har doim ularning ovozli xabarlarini matnga o‘girish ham mumkin.
Telegram Premium’ni hadya qilish
Telegram Premium obunasi bo‘lgan foydalanuvchilar, endi do‘stlar, oila va hamkasblariga 3, 6 yoki 12 oylik obunani chegirma narxida yuborish orqali barcha imtiyozlarni ulashishi mumkin.
Foydalanuvchining profilini oching va yoki tugmasini bosing va Premium hadya qilish bandini tanlang.
Hadya qilingan obuna ushbu foydalanuvchi bilan chatga animatsiyali hadya qutisi mavjud bo‘lgan maxsus xabar sifatida darhol keladi.
Avvalroq Pavel Durov Telegram’ning “inqilobiy” yangilanishi kechikayotgani uchun Apple ustidan shikoyat qilgan edi.
Tadbirkor dunyoning eng ommabop ilovalari o‘ntaligiga kiruvchi Telegram’ga shunday munosabat bo‘ladigan bo‘lsa, kichikroq ilova ishlab chiquvchilari qanday qiyinchiliklarni boshdan kechirayotganini tasavvur qilish mumkinligini aytgan.
Izoh (0)