“Roma” bosh murabbiyi Joze Mourinyo Italiya A Seriyasi 1-turidan o‘rin olgan “Salernitana” ustidan qozonilgan g‘alabadan so‘ng (1:0) futbolchilar va xodimlarni mukofotladi.
Portugaliyalik murabbiy ushbu g‘alabani nishonlash uchun 60 ta pitsa buyurtma qildi, deya xabar beradi Corriere dello Sport.
Mourinyo 2021/22-yilgi mavsumda 18 yoshli Feliks Afena-Gyanga 800 yevrolik krossovka sovg‘a qilgandi.
59 yoshli mutaxassis 2021-yildan buyon “Roma”ni boshqarib kelmoqda. Uning qo‘l ostida jamoa Konferensiyalar Ligasida g‘alaba qozondi. Mourinyoning rimliklar bilan amaldagi shartnomasi 2024-yilda o‘z nihoyasiga yetadi.
“Roma” A Seriyaning 2-turida 22-avgust kuni “Kremoneze”ga qarshi bahs olib boradi.
Izoh (0)