Angliya Premyer Ligasi 2-turi doirasida kechgan “Chelsi” va “Tottenhem” o‘rtasidagi o‘yinda (2:2) ikki jamoa murabbiylari o‘rtasida tortishuv yuzaga keldi.
Avvaliga Antonio Konte va Tomas Tuxel “shporlar”ning birinchi goli urilgan vaziyatdan so‘ng tortishib ketdi. O‘yin yakunlanganidan keyin murabbiylar qo‘l berishdi, Tuxel hamkasbining qo‘lini qo‘yib yubormadi va ular o‘rtasida yana janjal yuzaga keldi.
“Qo‘l berganda odamlar bir-biriga qaraydi, deb o‘ylarkanman. U boshqacha o‘yladi.
Buni ikki futbolchining to‘qnashuviga qiyosladim, ikkisi biroz qizishadi, biroq hech kim jarohat olmaydi va hech narsa ro‘y bermaydi. Bu APL, ikki murabbiy ham o‘z jamoasi uchun jang qildi.
Bori shu, qo‘rqinchli joyi yo‘q. Bu o‘yinning bir qismi bo‘ldi”, — deydi Tomas Tuxel.
“Bu u qadar muhim emas, asosiysi futbol. Hakam menga qizil kartochka ko‘rsatdi, biroq voqealar rivojini tushunmadi.
Hammasi joyida, buni qabul qilishim kerak. Muammo yo‘q. Muammo bo‘lgan taqdirda ham u men va Tomas o‘rtasida qoladi. Rostini aytsam, bu mavzuga qaytishni xohlamayman, vaziyatni bilish uchun TV va video bor.
Albatta, jim turmadim. Agar agressiyani ko‘rsam, unga agressiya bilan javob beraman. Qaytarman, bu muammo emas. Bu ikki raqib o‘rtasidagi ajoyib o‘yin bo‘ldi”, — deya vaziyatni izohladi Antonio Konte.
Izoh (0)