“PSJ” hujumchisi Kilian Mbappe jamoa Neymarni sotib yuborishini xohlamoqda.
Jurnalist Romen Molinaning xabar qilishicha, fransiyalik hujumchi klub rahbariyatidan Neymarni sotib yuborishni so‘ragan.
Get French Football News ham bu ma’lumotlarni tasdiqladi. Qayd etilishicha, Kilianning vakillari futbolchi jamoa bilan yangi shartnoma imzolaganidan beri braziliyalik futbolchini ketkazishni so‘rab kelmoqda.
Futbolchilar o‘rtasidagi munosabat tobora keskinlashmoqda, ularning do‘stligi avvalgidek mustahkam emas. Biroq parijliklarning yangi ustozi Kristofer Galte Neymarning qolishini istamoqda.
Liga 1 doirasida “Monpelye”ga qarshi kechgan bahsda (5:2) Neymar va Mbappe penalti ijro etish masalasida bir to‘xtamga kela olmagan. Bu vaziyat ijtimoiy tarmoqlarda muhokamaga sabab bo‘lmoqda.
Eslatib o‘tamiz, o‘tgan mavsum davomida “Real”ga o‘tishi deyarli aniqligi aytilgan Mbappe oxir-oqibat “PSJ”da qolishini ma’lum qilgandi. Ayrim xabarlarda Parij klubi unga katta va’dalar bergani, xususan, klub faoliyatida Mbappening fikrlari inobatga olinishi aytilgandi.
Izoh (0)