Madridning “Real” klubi La Liga 2022/23-yilgi mavsumining ilk turida g‘alabaga erishdi.
Karlo Anchelotti shogirdlari safarda “Almeriya”ni mag‘lubiyatga uchratdi (2:1).
Madridliklar qatorasiga 14 mavsumdan beri 1-tur o‘yinida yutqazmayapti. So‘nggi bor “Real” 2008/09-yilgi mavsumni mag‘lubiyat bilan boshlagandi. O‘shanda Madrid jamoasi “Deportivo”ga 1:2 hisobida yutqazgan.
Ketma-ket 14 mavsumni mag‘lubiyatsiz boshlash — La Liga tarixidagi ikkinchi eng yaxshi natija. Rekord ham “Real”ga tegishli bo‘lib, poytaxt jamoasi 1961—1976-yillar mobaynida (16 mavsum) 1-turni boy bermagan.
Karlo Anchelotti jamoasining keyingi o‘yini “Selta”ga qarshi 20-avgustda bo‘lib o‘tadi.
Izoh (0)