Van der Vart: “Barselona” — mafiya, uni jazolash kerak

Niderlandiyalik sobiq futbolchi Rafael vna der Vart “Barselona”ning Frenki de Yongga nisbatan qilayotgan munosabatini keskin tanqid ostiga oldi.

Puling yo‘q vaqtda qanday qilib futbolchi sotib olish mumkin, jin ursin. Buni sharmandalik deb hisoblayman. Yana doim tirjayib yuradigan va o‘zini muhim sanab, qirollardek tutadigan Laportani ham qayd etish kerak.

“Barselona” de Yongga qilayotgan munosabati — odamga nisbatan bunday qilish kerak emas. U juda ko‘p pul ishlayaptimi? Shartnoma tuzilar ekan, uni yoki bajarish kerak yoki yaxshi sharoitda ketishga ruxsat berish lozim, aksincha emas.

“Barselona” — mafiya va u jazolanishi kerak. Shu sabablar tufayli “Barselona” nomi juda yomon ko‘rinmoqda. Bu buyuk klub, hamma unda o‘ynashni xohlaydi. Biroq hozir ularga boshqa tomondan baho beryapmiz va menimcha, hozir u yerda to‘p surish — sharmandalik.

Rafael van der Vart, sobiq futbolchi

“Barselona” va Frenki de Yong o‘rtasida kelishmovchilik yuzaga kelgan. Futbolchi pandemiya davrida maoshining ma’lum qismidan keyinchalik olish shart bilan voz kechgan. Hozirgi rahbariyat bu pullarni qaytarishni istamayapti. Shuningdek, “Barsa” futbolchini sotib yuborish istagida, biroq Frenki qarzdorlik qoplab berilmagunga qadar ketish niyatida emas.