«Рома» бош мураббийи Жозе Моуриньо Италия А Серияси 1-туридан ўрин олган «Салернитана» устидан қозонилган ғалабадан сўнг (1:0) футболчилар ва ходимларни мукофотлади.
Португалиялик мураббий ушбу ғалабани нишонлаш учун 60 та пицца буюртма қилди, дея хабар беради Corriere dello Sport.
Моуриньо 2021/22 йилги мавсумда 18 ёшли Феликс Афена-Гьянга 800 евролик кроссовка совға қилганди.
59 ёшли мутахассис 2021 йилдан буён «Рома»ни бошқариб келмоқда. Унинг қўл остида жамоа Конференциялар Лигасида ғалаба қозонди. Моуриньонинг римликлар билан амалдаги шартномаси 2024 йилда ўз ниҳоясига етади.
«Рома» А Сериянинг 2-турида 22 август куни «Кремонезе»га қарши баҳс олиб боради.
Изоҳ (0)