47 yashar Bollivud aktrisasi Shilpa Shetti bir oydan buyon rejissor Roxit Shettining “Indian Police Force” nomli veb-serialida suratga tushayotgan edi. Suratga tushish ishlari yaxshi ketayotgan bir vaqtda, aktrisa Sidxart Malxotra va Nikitin Dxira ishtirokidagi jangovar sahnalarning birida jiddiy jarohat oldi, deb yozadi “ZEE.tv.ru”.
Ma’lum bo‘lishicha, aktrisaning jarohati oyog‘ining sinishi bilan bog‘liq. Voqea sodir bo‘lganidan ko‘p vaqt o‘tmay Shilpa Shetti shifoxonaga yuborilgan. Aktrisa o‘zining sahifasida bu haqda kuzatuvchilarini xabardor qilgan.
Aktrisa shifoxonada tushgan suratiga shunday deb yozdi: “Kemara! Motor! ‘Oyog‘ingni sindir! (aslida break a leg iborasi ‘omadingni bersin’ ma’nosida qo‘llanadi)’ Men buni boricha qabul qildim. Endi 6 hafta suratga tusha olmayman. Lekin tez orada yanada yaxshiroq va kuchliroq bo‘lib qaytaman. Bu vaqtgacha men sizlarning duo qilishingizdan xursand bo‘laman — duolar, albatta, ijobat bo‘ladi. Hurmat bilan sizning Shilpa Shetti Kundrangiz”.
Izoh (0)