47 яшар Болливуд актрисаси Шилпа Шетти бир ойдан буён режиссёр Рохит Шеттининг «Indian Police Force» номли веб-сериалида суратга тушаётган эди. Суратга тушиш ишлари яхши кетаётган бир вақтда, актриса Сидхарт Малхотра ва Никитин Дхира иштирокидаги жанговар саҳналарнинг бирида жиддий жароҳат олди, деб ёзади «ZEE.tv.ru».
Маълум бўлишича, актрисанинг жароҳати оёғининг синиши билан боғлиқ. Воқеа содир бўлганидан кўп вақт ўтмай Шилпа Шетти шифохонага юборилган. Актриса ўзининг саҳифасида бу ҳақда кузатувчиларини хабардор қилган.
Актриса шифохонада тушган суратига шундай деб ёзди: «Кемара! Mотор! ‘Оёғингни синдир! (аслида break a leg ибораси ‘омадингни берсин’ маъносида қўлланади)’ Мен буни борича қабул қилдим. Энди 6 ҳафта суратга туша олмайман. Лекин тез орада янада яхшироқ ва кучлироқ бўлиб қайтаман. Бу вақтгача мен сизларнинг дуо қилишингиздан хурсанд бўламан — дуолар, албатта, ижобат бўлади. Ҳурмат билан сизнинг Шилпа Шетти Кундрангиз».
Изоҳ (0)