Serial yaratish jarayonida dastlab pilot epizod chiqariladi, agar u tomoshabinlarga yoqsa, u holda loyiha ustida ishlash davom etadi. Badiiy filmlarning muvaffaqiyatini ham oldindan aytib bo‘lmaydi va rolga rozi bo‘lgan aktyorlar ham kartinaning kelajagi nima bo‘lishini aniq bilishmaydi.
“Taxtlar o‘yini”
“Taxtlar o‘yini” seriali dunyodagi eng muvaffaqiyatli teleloyihalardan biriga aylandi. Biroq shou mashhurligining eng yuqori cho‘qqisida asosiy aktyorlarning ko‘pchiligi har bir qism uchun 500 ming dollar olishdi, bu ulkan loyiha uchun juda kam hisoblanadi.
Ammo Jeyson Momoaga “Taxtlar o‘yini” dunyo miqyosida shuhrat keltirgan bo‘lsa-da, haqiqatan ham shafqatsiz hazil qiladi. Serial suratga olingandan keyin Jeyson anchagacha ish topa olmaydi, chunki prodyuserlar uning aktyorlik qobiliyatiga shubha qilishadi. Ba’zilar hatto Momoa ingliz tilida ikkita so‘zni ham bog‘lay olmaydi, deb ishonishadi.
Ammo aktyor va uning oilasi pulga muhtoj edi, shuning uchun yulduz qarzga botadi. “Biz “Taxtlar o‘yini”dan so‘ng och qolganmiz. Farzandli bo‘lsang-da, katta qarzga botsang, bu juda yomon holat”, — deydi u intervyusida.
“Do‘stlar”
Olti do‘st haqidagi film butun dunyo bo‘ylab 1994-yildan beri tomosha qilinadi, shu vaqt ichida 200 dan ortiq qismlari chiqdi. Hozirda serial aktyorlari boy va mashhur. Ammo dastlab ularga 1-mavsumning har bir epizodi uchun 22,5 ming dollar berilgan. Kinosanoatda bu pullar shunchaki arzimas sentdek gap. Ammo 2-mavsumda gonorar ko‘tarila boshlaydi. 10-qismga kelib, ijodkorlar bitta epizod uchun 1 million dollar olishadi.
“Maxfiy materiallar”
Skalli va Malder birgalikda ko‘plab sirlarni ochishadi. Haqiqiy hayotda ham Jillian Anderson hamma narsa ochiq-oshkor bo‘lishini xohlaydi. Masalan, uning hamkasbi Devid Duxovnining maoshi nima uchun unikidan 2 baravar ko‘p ekanligini bilish uchun.
Aktrisa erkaklar va ayollarning maoshi bir xil bo‘lishiga erishadi. Natijada ushbu kartinaning qolgan qismlarida bosh rol ijrochilari bir xil maosh oladilar.
“O‘tkir viqorlilar”
Killian Merfi “O‘tkir viqorlilar” filmida suratga tushishi uchun qancha gonorar olgani aniq emas. Ammo serial yulduzlari budjet kamtarona bo‘lganini aytishadi. Merfining maoshi past bo‘lgan degan taxminlar bor. Negaki, bir epizodning umumiy qiymati, jumladan rekvizitlar yaratish, dekoratsiya, aktyorlar va ijodiy guruhning mehnati taxminan 2,2 million dollarni tashkil etgan. Ha, bu televideniye sanoati uchun oz miqdordagi pul. Shu bilan birga, kartina bir nechta kino mukofotlari bilan taqdirlangan.
“Xayrli tun va omad”
Jorj Kluni tarixiy drama rejissori sifatida ishlashga qaror qiladi. Kartinani yaratish 7,5 million dollarga tushadi. Suratga olish ishlari uchun Kluni Los-Anjelesdagi uyini garovga qo‘yadi. Jorjning o‘zi esa ssenariy, prodyuserlik va aktyorlik ishi uchun kam haq oladi. Ammo tavakkalchilik o‘zini oqladi: film kassada 54 million dollardan ortiq daromad keltiradi.
“Yovvoyi G‘arb dunyosi”
Bu filmda ham tarix takrorlanadi. Aktyorlar 100-150 ming dollarlik gonorarga kelishishadi. Ammo serial mashhur bo‘lishi bilanoq asosiy aktyorlar maoshni oshirishni talab qilishadi va bu summa 250 ming dollargacha ko‘tarildi.
“Uzuklar hukmdori: birodarlik uzugi”
Frodoning sodiq do‘sti Sem rolini ijro etgan Shon Estin filmdan 250 ming dollar ishlab topadi. Aktyorlar ishiga Gollivud bilan solishtiradigan bo‘lsak, bu juda kam pul. Aytgancha, Orlando Blum esa atigi 175 ming dollarga rozi bo‘ladi. Aktyorning o‘zi shu summaning yarmiga ham rozi bo‘lishini aytadi. Bundan tashqari, lenta xitga aylanadi va kutilganidan ko‘ra ko‘proq mashhurlikka erishadi.
“Har doim ha de”
Jim Kerri 20 million dollardan voz kechib, “Har doim ha de” filmida tekinga rol o‘ynadi. Bu bir qarashda g‘alati tuyulishi mumkin. U ishi uchun bir sent olishni ham istamaydi, lekin foydaning bir foizini olish sharti bilan suratga tushadi. Ya'ni agar film xitga aylansa, u ko‘proq yutardi. Natijada shunday bo‘ldi: aktyor 35 million dollar ishlab oladi.
“Asosiy instinkt”
Sheron Stounning aytishicha, u filmdagi ishi uchun juda oz miqdorda pul olgan. Gonorari hatto “Oskar” marosimi uchun libos sotib olishga ham yetmasdi. Ammo Maykl Duglas xuddi shu filmda suratga tushgani uchun 14 million dollar ishlab topgan.
Stounning qo‘shimcha qilishicha, suratga olish ishlarida unga oson bo‘lmagan. Aktrisa dahshatli tushlar ko‘rar, roli tufayli aqldan ozay deydi, ammo oxirida arzimagan gonorar oladi.
Izoh (0)