AQSHda noma’lum erkak Kapitoliy yaqinida o‘q uzib, so‘ng o‘z joniga qasd qildi

AQSH Kongressi binosi yonida noma’lum erkak havoga bir necha marta o‘q uzib, so‘ng o‘z joniga qasd qilganidan keyin Vashington politsiyasi departamenti surishtiruv boshladi, deb yozadi Meduza.

Kapitoliy politsiyasi ma’lumotlariga ko‘ra, mahalliy vaqt bilan 14-avgust kuni 4:00 atrofida (Toshkent vaqti bilan 13:00) bir erkak avtomobilda Kongress yaqinidagi chorrahada to‘siqqa kelib urilgan. Yonayotgan mashinadan chiqib, u bir necha marta havoga qarata o‘q uzgan. Unga politsiya ofitserlari yaqinlasha boshlagach esa o‘z joniga qasd qilgan.

“Erkak o‘z nishoni sifatida hozir ta’tilda bo‘lgan kongress a’zolarini tanlaganga o‘xshamaydi va politsiyachilar qurol qo‘llaganga o‘xshamaydi”, — deya ma’lum qildi politsiya. Ularning qayd etishicha, avtomobil haydovchisidan boshqa hech kim jabrlanmagan. Erkakning qanday maqsadlarni ko‘zlagani noma’lum.