АҚШ Конгресси биноси ёнида номаълум эркак ҳавога бир неча марта ўқ узиб, сўнг ўз жонига қасд қилганидан кейин Вашингтон полицияси департаменти суриштирув бошлади, деб ёзади Meduza.
Капитолий полицияси маълумотларига кўра, маҳаллий вақт билан 14 август куни 4:00 атрофида (Тошкент вақти билан 13:00) бир эркак автомобилда Конгресс яқинидаги чорраҳада тўсиққа келиб урилган. Ёнаётган машинадан чиқиб, у бир неча марта ҳавога қарата ўқ узган. Унга полиция офицерлари яқинлаша бошлагач эса ўз жонига қасд қилган.
«Эркак ўз нишони сифатида ҳозир таътилда бўлган конгресс аъзоларини танлаганга ўхшамайди ва полициячилар қурол қўллаганга ўхшамайди», — дея маълум қилди полиция. Уларнинг қайд этишича, автомобиль ҳайдовчисидан бошқа ҳеч ким жабрланмаган. Эркакнинг қандай мақсадларни кўзлагани номаълум.
Изоҳ (0)