Tesla kompaniyasi rahbari Ilon Maskni 2021-yilda “Yil odami” unvoni bilan taqdirlagan Amerikaning Time jurnali milliarderni ikkiyuzlamachilikda aybladi. Ma’lum qilinishicha, tadbirkor Hyperloop yerosti tunnel loyihasini faqat elektromobillarga bo‘lgan talabni saqlab qolish uchun yaratgan. Bu haqda “Gazeta.ru” xabar bermoqda.
Mask o‘zining biografi Eshli Vensga Hyperloop bu shunchaki amerikalik qonunchilarni Kaliforniyadagi tezyurar temiryo‘l qurilishini bekor qilishga ishontirish uchun urinib ko‘rilgan loyiha bo‘lganini tan olgan. Ushbu rejaning amalga oshirilishi esa Kaliforniyada mashhur bo‘lgan Tesla elektromobillariga bo‘lgan talabni kamaytiradi.
Natijada Mask Hyperloop’ni jamoat transporti uchun qulayroq vosita sifatida “sotdi”, biroq Maskning Boring kompaniyasi tunneli Las-Vegasdagi tirbandlik muammosini hal qilmadi, deb yozadi jurnal.
Nashrning ta’kidlashicha, Mask bunday kelajakni faqatgina biznes ambitsiyalarini qondirish uchun o‘ylab topgan.
2022-yil boshida Las-Vegasda Ilon Maskning Vegas Loop tunnellarida Tesla elektromobillari tirbandligi yuzaga kela boshladi. Qayd etilishicha, tunnelda birdaniga 90 ta elektromobil tiqilib qolgan.
Izoh (0)