Misrning Giza shahrida joylashgan qibtiylar cherkovida yong‘in yuz berdi, oqibatda, so‘nggi ma’lumotlarga ko‘ra, kamida 41 kishi halok bo‘ldi, deb yozadi Meduza. Reuters manbalariga ko‘ra, qurbonlarning aksariyatini bolalar tashkil qiladi.
Ertalabki ibodat chog‘ida cherkovda besh mingga yaqin odam yig‘ilgan. Elektr tarmog‘idagi qisqa tutashuv tufayli, binoda yong‘in boshlangan va cherkovning kirish qismini to‘sib qo‘ygan. Guvohlar so‘zlariga ko‘ra, ur-yiqit yuzaga kelgan. Cherkovning uchinchi va to‘rtinchi qavatida bo‘lgan odamlar pastga tusha boshlagan va “bir-birining ustiga qulagan”.
Ichki ishlar vazirligi ekspertlari aniqlashicha, yong‘in ikkinchi qavatdagi konditsionerni tok bilan ta’minlagan elektr simi nosozligi tufayli boshlangan.
Misrda qariyb 9 million nasroniylar istiqomat qiladi, ularning ko‘pchiligi qubtiylar — mamlakatning arablargacha bo‘lgan aholisining avlodlaridan iborat. Qubtiylar ko‘p marotaba jangarilar tomonidan hujumlarga uchragan.
Izoh (0)