Armaniston poytaxti Yerevandagi “Surmalu” savdo markazida portlash yuz berdi. Bu haqda Armaniston Favqulodda vaziyatlar vazirligiga tayanib, “Gazeta.ru” xabar bermoqda.
Portlash va yong‘in soat 13:23 da sodir bo‘lgan.
Voqea guvohlari ijtimoiy tarmoqlarda savdo markazidan quyuq qora tutun chiqayotgani aks etgan videoni joylashtirgan.
Yaqin atrofdagi uyda yashovchilarning so‘zlariga ko‘ra, ular avval kuchli portlash ovozini eshitgan, keyin esa shiddatli olov alangalanishiga guvoh bo‘lgan.
Voqea joyiga dastlab yong‘in-qutqaruv guruhining oltita ekipaji, so‘ngra yana ikkitasi hamda tez yordam mashinalari kelgan.
Favqulodda vaziyatlar vazirligi ma’lumotlariga ko‘ra, bir kishi halok bo‘lgan, yana 20 kishi kasalxonaga yotqizilgan.
Yong‘inga xavfning ikkinchi darajasi berildi.
Izoh (0)