Ijtimoiy tarmoqlarda “O‘zbekneftgaz” AJ tasarrufidagi UNG Petro korxonasi AYQSHlarida Ai-80 avtobenzini yo‘q ekani borasida xabarlar tarqatildi. Holat yuzasidan “O‘zbekneftgaz” ma’lumot berdi.
“O‘zbekneftgaz” AJning Toshkent shahri va viloyatiga qarashli AYQSHlarda 1 litr Ai-80 rusumli avtobenzin narxi 6 800 so‘mdan sotilayotgani va yetishmovchilik kuzatilmayotgani ma’lum qilindi.
Misol uchun, UNG Petro MCHJ tomonidan iyun oyida o‘rtacha bir kunda 529 tonna sotilgan bo‘lsa, iyul oyiga kelib o‘rtacha bir kunda 611 tonna yoki 82 tonnaga talab oshdi. Avgust oyida esa talab yanada oshib borayotgani kuzatilmoqda.
Iste’molchilarning 65 foizini “O‘zbekneftgaz” AJ tomonidan ishlab chiqilgan benzin hisobidan qoplanadi, qolgani boshqa ishlab chiqaruvchi va yetkazib beruvchilar tomonidan qoplanadi. Buxoro neftni qayta ishlash zavodini benzin ishlab chiqarish uskunalari 110 foiz quvvatda ishlamoqda.
Izoh (0)