Ижтимоий тармоқларда «Ўзбекнефтгаз» АЖ тасарруфидаги UNG Petro корхонаси АЁҚШларида Аи-80 автобензини йўқ экани борасида хабарлар тарқатилди. Ҳолат юзасидан «Ўзбекнефтгаз» маълумот берди.
«Ўзбекнефтгаз» АЖнинг Тошкент шаҳри ва вилоятига қарашли АЁҚШларда 1 литр Аи-80 русумли автобензин нархи 6 800 сўмдан сотилаётгани ва етишмовчилик кузатилмаётгани маълум қилинди.
Мисол учун, UNG Petro МЧЖ томонидан июнь ойида ўртача бир кунда 529 тонна сотилган бўлса, июль ойига келиб ўртача бир кунда 611 тонна ёки 82 тоннага талаб ошди. Август ойида эса талаб янада ошиб бораётгани кузатилмоқда.
Истеъмолчиларнинг 65 фоизини «Ўзбекнефтгаз» АЖ томонидан ишлаб чиқилган бензин ҳисобидан қопланади, қолгани бошқа ишлаб чиқарувчи ва етказиб берувчилар томонидан қопланади. Бухоро нефтни қайта ишлаш заводини бензин ишлаб чиқариш ускуналари 110 фоиз қувватда ишламоқда.
Изоҳ (0)