O‘zbekiston sanoat eksportining diversifikatsiya darajasi baholandi. Bu haqda Prognozlashtirish va makroiqtisodiy tadqiqotlar instituti xabar bermoqda.
2010-2021 yillar oralig‘ini baholash natijalari:
Sanoat mahsulotlari eksport diversifikatsiyasi indeksi 4,82 dan 5,76 gacha ko‘tarilgan.
2010-yilda sanoat mahsulotlari eksportining yarmi mineral yoqilg‘i va paxtaning hissasiga to‘g‘ri kelgan bo‘lsa, 2021-yilda ushbu mahsulotlar ulushi 22 foizni tashkil etdi.
Kimyo va farmatsevtika mahsulotlari eksport diversifikatsiyasi indeksi ham eksportda o‘g‘itlar ulushining 78,5 foizdan 43 foizga kamayishi va bir qator boshqa tovarlar eksporti hajmining oshishi hisobiga 1,56 dan 2,76 gacha o‘sdi.
To‘qimachilik mahsulotlari va kiyim-kechak guruhi eksport diversifikatsiyasi darajasining 1,21 dan 2,34 gacha o‘sishi paxta eksporti hajmining sezilarli darajada kamayishi va uning eksportdagi ulushi qisqarishi hamda qayta ishlash darajasi yuqori bo‘lgan mahsulotlar ulushining oshishi bilan bog‘liq.
Charm-poyabzal sanoatida eksport diversifikatsiyasi indeksi 1,67 dan 2,44 gacha oshdi.
2010-yilda tovar guruhi eksportining 75 foizi xom ashyoning ulushiga to‘g‘ri kelgan bo‘lsa, 2021-yilda tayyor charm mahsulotlari eksporti hajmining oshishi hisobiga 43 foizni tashkil etdi.
Mashinasozlik mahsulotlari eksport diversifikatsiyasi indeksi 2,04 dan 2,59 gacha oshdi.
Eksportda yerusti transportining ulushi kamaydi, elektr mashinalar va uskunalar, mexanik asbob-uskunalar va shunga o‘xshash qurilmalar ulushi oshdi.
Izoh (0)