Rossiyaliklar mamlakatdagi iqtisodiy vaziyatni qanday baholashini ko‘rsatuvchi indeks nolga tushib ketdi. Bu haqda “Kommersant” xabar berdi.
Shu bilan birga, respondentlarning yarmi mamlakatdagi vaziyat bir yil yoki undan ko‘proq vaqt ichida barqarorlashishini kutmoqda.
Indeks birinchi marta mart oyida hisoblab chiqilgan. Dastlab u salbiy edi, lekin iyul oyining ikkinchi haftasida birinchi marta ijobiy natija ko‘rsatgan — 11%.
Ukrainadagi urush va sanksiyalardan keyin Rossiyadagi vaziyat ancha murakkablashdi.
Qurilish hajmi 62 foizga, qishloq xo‘jaligi 55 foizga, sanoat esa 25 foizga qisqardi.
Mart oyidan beri Rossiyani 1000 dan ortiq xorijiy kompaniyalar tark etgan.
Xalqaro valyuta fondi mamlakat iqtisodiyoti 2022-yilda 6 foizga qisqarishini kutmoqda.
Avvalroq Yevropa Ittifoqi Rossiya ko‘mirini sotib olishni butunlay to‘xtatgani haqida xabar berilgan edi.
Izoh (0)