Xalqaro energetika agentligi (IEA) bu yil neftga bo‘lgan global talabning o‘sishi bo‘yicha prognozini oshirdi. Bu haqda Bloomberg xabar bermoqda.
Bunga sabab qilib tabiiy gaz narxining ko‘tarilishi va issiqlik to‘lqinlari sanoat va elektr generatorlarini yoqilg‘i o‘rniga neftdan foydalanishga majbur qilgani ko‘rsatilmoqda.
Agentlikning so‘nggi oylik hisobotiga ko‘ra, endi jahon neft iste’moli joriy yilda kuniga 2,1 mln barrelga yoki avvalgi prognozdan kuniga 2 foizga oshadi va 3,1 mln barrelga yetadi.
Rossiya Yevropaga gaz oqimini cheklab qo‘ygani sababli, bu yil tabiiy gaz narxi oshdi, bu Ukrainadagi urush munosabati bilan kiritilgan sanksiyalarga javob sifatida ko‘rilmoqda.
Narxlarning o‘sishi ko‘plab sanoat iste’molchilarini, jumladan, neftni qayta ishlash zavodlari va elektr stansiyalarini gazdan neftga o‘tishga undagan.
Tabiiy gaz va elektr energiyasi narxlari yangi rekord darajaga ko‘tarildi, bu esa ba’zi mamlakatlarda gazdan neftga o‘tishni rag‘batlantirdi, — deydi IEA hisobotida.
Talab ortgan bo‘lsa-da, IEA neft bozorlari ta’minot inqiroziga duch kelishiga shubha qilmoqda, bu yil davomida zaxiralar kuniga 900 ming barrelga ko‘payishi kutilyapti.
Avvalroq Yevropa embargo kuchga kirishidan oldin Rossiya nefti xaridini ko‘paytirayotgani haqida xabar berilgandi.
Izoh (0)