Iyul oyida global neft yetkazib berish OPEK+ mamlakatlari tomonidan ishlab chiqarishning ko‘payishi va qator hududlarda texnik xizmat ko‘rsatishdan so‘ng sanoatning sezilarli tiklanishi fonida pandemiyadan keyingi eng yuqori darajaga yetdi. Bu haqda Xalqaro energiya agentligiga (IEA) “Interfaks” xabar bermoqda.
Tashkilot ma’lumotlariga ko‘ra, iyul oyida global neft yetkazib berish sutkada 100 million barreldan oshgan. Bu 2020-yil yanvaridan beri eng yuqori ko‘rsatkichdir.
Shimoliy dengiz, Kanada va Qozog‘istonda rejalashtirilgan ta’mirlash ishlari yakunlanganidan so‘ng global ishlab chiqarish sutkasiga 1,4 million barrelga oshib, 100,5 million barrelga yetdi. Saudiya Arabistoni esa OPEK+ mamlakatlari o‘sishiga mos ravishda ishlab chiqarishni oshirdi. Rossiyadan yetkazib berishlar ham biroz oshdi, — deyiladi xabarda.
IEA 2022-yilda jahon neft yetkazib berish hajmi kuniga o‘rtacha 100 million barrel bo‘lishini kutmoqda.
Iyul oyidagi OPEK+ 523 foizga, OPEKga a’zo davlatlar 359 foizga, OPEKga a’zo bo‘lmagan davlatlar kelishuvi esa 800 foizga bajarilgan, deb hisoblaydi IEA tahlilchilari.
IEA ma’lumotlariga ko‘ra, Rossiya iyul oyida neft qazib olishni (kondensatdan tashqari) kuniga 9,8 million barrelgacha oshirdi.
Ammo bu belgilangan kvotadan 1,03 million barrelga kam. Saudiya Arabistoni hisobot oyida o‘zining ruxsat etilgan kvotasi darajasida — kuniga 10,83 million barrel neft ishlab chiqardi.
Izoh (0)