Janubiy Koreya prezidenti Yun Sok Yol korrupsiya uchun ikki yil-u besh oyga ozodlikdan mahrum qilingan Samsung Electronics vitse-prezidenti va Samsung Group rahbari Li Chje Yonni afv etdi, deb yozadi “RBK”.
2017-yilda Chje Yon Janubiy Koreya sobiq prezidenti Pak Kin Xega aloqador kompaniyalarga poralar berishda ayblangandi, ularning miqdori 6 million dollardan oshgan. Shuningdek, Samsung Electronics prezidenti davlat Samsung C&T va Cheil Industries qo‘shilishiga unga zarur shartlarda ruxsat berishi uchun mansabdorlarga 38 million dollar taklif etgan yoki va’da qilgan. Sud biznesmenni besh yillik qamoqqa hukm qildi, ammo keyinroq haqiqiy muddatni shartliga o‘zgartirdi, bu paytda u hibsda saqlanayotganiga bir yil bo‘lgandi.
2019-yilda sud Li Chje Yonning ishini qayta ko‘rib chiqishga yubordi, shundan keyin unga Cheil Industries va Samsung C&T korporatsiyalari qo‘shilishi haqidagi ish bo‘yicha yangi ayblov e’lon qilindi. Bitim natijasida biznesmen konglomerat ustidan yakka tartibdagi nazoratni qo‘lga kiritgandi. Oxir-oqibat o‘tgan yil yanvarida Samsung Electronics vitse-prezidenti ikki yil va olti oyga ozodlikdan mahrum qilindi, ammo u hibsda o‘tkazgan bir yil hisobga olindi.
Chje Yon o‘tgan yil avgustida muddatidan oldin ozod etilgan, biroq o‘z huquqlarini to‘liq qayta tiklash uchun u afv etilishi zarur bo‘lgan. Afv etilganidan keyin u milliy iqtisodiyot uchun qattiq mehnat qilishga va’da berdi.
Bundan tashqari, Janubiy Koreya prezidenti poraxo‘rlikda ayblanib, 2,5 yilga qamoqqa huk qilingan Lotte Group raisi Sin Don Binni ham afv etdi. 2018-yilda biznesmen Janubiy Koreya sobiq prezidentining dugonasi Chxve Sun Silga 6,4 million dollardan ortiq miqdorda pora berganlikda ayblangandi.
Samsung vitse-prezidenti va Lotte Group raisidan tashqari, davlat rahbari yana 1691 kishini afv etdi. Hukumat afv 15-avgust — Koreya Mustaqilligi kuni kuchga kirishini e’lon qildi.
Izoh (0)