OPEK (Neftni eksport qiluvchi davlatlar tashkiloti) global neft talabi o‘sishi prognozini kuniga 3,1 million barrelgacha pasaytirdi. Bu bo‘yicha tashkilotning oylik hisobotida keltirib o‘tilgan.
“2022-yil uchun global neft talabi kuniga 3,1 million barrel bo‘lishi prognoz qilinmoqda, bu ba’zi mintaqaviy qayta ko‘rib chiqishlarni hisobga olgan holda, o‘tgan oydagi taxmindan kuniga 0,3 million barrelga past”, — deyiladi tashkilot materiallarida.
Qayd etilishicha, xomashyoga umumiy talab kuniga o‘rtacha 100,03 million barrelni tashkil qiladi. 2022-yilda uglevodorod iste’molining o‘sishiga sanoat va transport uchun yonilg‘iga bo‘lgan talabning o‘sishi turtki bo‘ladi, deb hisoblanmoqda. Bu mahsulotlarga bo‘lgan talab, o‘z navbatida, iqtisodiy faollikning tiklanishi hisobiga ortadi. Eng katta daromad Amerikadan, ayniqsa, AQSHdan keladi.
Kelgusi yil uchun prognozlar o‘zgarmagan. OPEK uglevodorodlarga talabning kuniga 2,7 million barrelga oshishini taxmin qilmoqda. Shunday qilib, 2023-yilda neftga bo‘lgan jahon talabi kuniga 102,72 million barrelni tashkil qiladi.
Izoh (0)