Toshkentdan Rossiyaning Nijniy Novgorod shahriga muntazam avtobus qatnovi 11-avgustdan boshlab tiklandi.
“Tashtrans” xabariga ko‘ra, avtobuslar “Toshkent” avtovokzalidan har payshanba kunlari soat 06:00 da yo‘lga chiqadi. Ushbu yo‘nalish uzunligi 3 ming kilometr bo‘lib, chipta narxi 953 000 so‘mga teng.
Koronavirus pandemiyasi sababli ikki yillik tanaffusdan so‘ng Toshkentdan Rossiyaning qator shaharlariga avtobus qatnovlari tiklanmoqda. 18-iyuldan boshlab Toshkent va Moskva, Qozon hamda Sankt-Peterburg o‘rtasida muntazam avtobus qatnovi tiklangandi. 1-avgustdan boshlab Toshkent—Novosibirsk, 6-avgustdan esa Toshkent—Omsk yo‘nalishida avtobus qatnovlari yo‘lga qo‘yilgan.
Izoh (0)