Dang‘ara shaharchasi Pishqaron mahalla fuqarolar yig‘ini Nurli yo‘l ko‘chasida joylashgan yakka tartibdagi tadbirkor K.N.ga tegishli temirchilik sexida gazdan noqonuniy foydalanish holati aniqlandi.
Jamiyatning Kompleans nazorati boshqarmasi boshlig‘i D.Achilov tomonidan berilgan ko‘rsatmaga asosan 2022-yil 9-avgust kuni filialning “Yuridik shaxslarga tabiiy gazni yetkazib berishni nazorat qilish” va “Dang‘aratumangaz” gaz ta’minoti bo‘limi xodimlari bilan birga korxonaning tabiiy gazdan foydalanish holati qayta o‘rganilganida, yakka tartibdagi tadbirkor K.N.ning o‘zboshimchaligiga chek qo‘yildi.
Temirchilik sexi mas’ullari Prins-25/40 rusumli zavod raqami 6016761 elektron gaz hisoblash uskunasini o‘zboshimchalik bilan yechib olib, tabiiy gaz ta’minotidan noqonuniy ravishda foydalanib kelgan.
Olib borilgan tekshiruvlar davomida holat yuzasidan gaz sarfi qayta hisob-kitob qilindi hamda K.N. tomonidan 28 800 metr/kub gaz sarfi ishlatilgan bo‘lib, 19 008 000 so‘m miqdorida moddiy zarar yetkazilgani aniqlandi.
“Hududgaz Farg‘ona” gaz ta’minoti filiali “Dang‘aratumangaz” gaz ta’minoti bo‘limining bosh muhandisi, Mehnat muhofazasi va texnika xavfsizligi bo‘yicha yetakchi muhandisi, Iste’molchilarga gaz jihozlariga servis xizmat ko‘rsatish xizmati boshlig‘i hamda Tabiiy gaz hisobining avtomatlashgan tizimini joriy etish xizmati texnigi lavozim yo‘riqnomasi doirasida yetarli ravishda ishni tashkil qilmaganligi hamda mas’uliyatsizligi sabab ular bilan tuzilgan mehnat shartnomalari bekor qilindi.
Izoh (0)