Тошкентдан Россиянинг Нижний Новгород шаҳрига мунтазам автобус қатнови 11 августдан бошлаб тикланди.
«Таштранс» хабарига кўра, автобуслар «Тошкент» автовокзалидан ҳар пайшанба кунлари соат 06:00 да йўлга чиқади. Ушбу йўналиш узунлиги 3 минг километр бўлиб, чипта нархи 953 000 сўмга тенг.
Коронавирус пандемияси сабабли икки йиллик танаффусдан сўнг Тошкентдан Россиянинг қатор шаҳарларига автобус қатновлари тикланмоқда. 18 июлдан бошлаб Тошкент ва Москва, Қозон ҳамда Санкт-Петербург ўртасида мунтазам автобус қатнови тикланганди. 1 августдан бошлаб Тошкент—Новосибирск, 6 августдан эса Тошкент—Омск йўналишида автобус қатновлари йўлга қўйилган.
Изоҳ (0)