Buxoro viloyatining Jondor tumanida sifat nazoratidan o‘tmagan go‘sht mahsulotlarining sotilishiga chek qo‘yildi, deb xabar bermoqda viloyat IIB matbuot xizmati.
Ma’lum qilinishicha, viloyat IIB JXX JTSB Karantin tadbirlarini ta’minlash bo‘limi hamda Jondor tumani Veterinariya va chorvachilikni rivojlantirish bo‘limi xodimlari bilan hamkorlikda navbatdagi nazorat reyd tadbirlari o‘tkazilgan.
Bunda, Jondor tumani “Xumdonak” mahallasi hududidagi savdo do‘konlarida oziq-ovqat, go‘sht va sut mahsulotlarining sotilishida veterinariya-sanitariya qoidalari normalariga amal qilinishini ta’minlash maqsadida sifat nazoratidan o‘tmagan jami 110 kilogramm og‘irlikdagi go‘sht mahsulotlari sotilishining oldi olingan.
Qonunbuzar fuqarolarga nisbatan Ma’muriy javobgarlik to‘g‘risidagi kodeksning 109-moddasiga asosan ma’muriy bayonnomalar rasmiylashtirilgan.
Izoh (0)