Sirdaryo viloyati markazidan Tojikiston orqali Qo‘qon shahriga avtobus qatnovi yo‘lga qo‘yiladi. Bu haqda viloyat transport boshqarmasi axborot xizmati xabar berdi.
Ma’lum qilinishicha, tez kunda Guliston shahrini Tojikiston orqali Farg‘ona vodiysi bilan bog‘lovchi Guliston—Qo‘qon viloyatlararo-shaharlararo yo‘nalishida avtobuslar qatnovi ish boshlaydi.
Qatnovlar har ikki tarafdan kuniga bir marta amalga oshiriladi. Guliston shahridan jo‘naydigan avtobus “Xovosobod” hamda Farg‘ona viloyati yaqinidagi “Andarxon” chegara bojxona postlari orqali Qo‘qon shahriga yetib boradi.
Ushbu yo‘nalish masofasi 264,3 kilometr bo‘lib, yo‘l haqi 50 ming so‘m atrofida bo‘lishi kutilmoqda. Yo‘lovchilarda xorijga chiqish pasporti bo‘lishi talab etiladi.
Mavzuga doir: Toshkentdan Nijniy Novgorodga avtobus qatnovi tiklandi
Izoh (0)