Газ инқирози кучайгани сари дунёда нефтга бўлган талаб ўсиб бормоқда

Халқаро энергетика агентлиги (IEA) бу йил нефтга бўлган глобал талабнинг ўсиши бўйича прогнозини оширди. Бу ҳақда Bloomberg хабар бермоқда.

Бунга сабаб қилиб табиий газ нархининг кўтарилиши ва иссиқлик тўлқинлари саноат ва электр генераторларини ёқилғи ўрнига нефтдан фойдаланишга мажбур қилгани кўрсатилмоқда.

Агентликнинг сўнгги ойлик ҳисоботига кўра, энди жаҳон нефть истеъмоли жорий йилда кунига 2,1 млн баррелга ёки аввалги прогноздан кунига 2 фоизга ошади.

Россия Европага газ оқимини чеклаб қўйгани сабабли, бу йил табиий газ нархи ошди, бу Украинадаги уруш муносабати билан киритилган санкцияларга жавоб сифатида кўрилмоқда.

Нархларнинг ўсиши кўплаб саноат истеъмолчиларини, жумладан, нефтни қайта ишлаш заводлари ва электр станцияларини газдан нефтга ўтишга ундаган.

Табиий газ ва электр энергияси нархлари янги рекорд даражага кўтарилди, бу эса баъзи мамлакатларда газдан нефтга ўтишни рағбатлантирди, — дейди IEA ҳисоботида.

Талаб ортган бўлса-да, IEA нефть бозорлари таъминот инқирозига дуч келишига шубҳа қилмоқда, бу йил давомида захиралар кунига 900 минг баррелга кўпайиши кутиляпти.

Аввалроқ Европа эмбарго кучга киришидан олдин Россия нефти харидини кўпайтираётгани ҳақида хабар берилганди.