Данғара шаҳарчаси Пишқарон маҳалла фуқаролар йиғини Нурли йўл кўчасида жойлашган якка тартибдаги тадбиркор К.Н.га тегишли темирчилик цехида газдан ноқонуний фойдаланиш ҳолати аниқланди.
Жамиятнинг Комплеанс назорати бошқармаси бошлиғи Д.Ачилов томонидан берилган кўрсатмага асосан 2022 йил 9 август куни филиалнинг «Юридик шахсларга табиий газни етказиб беришни назорат қилиш» ва «Данғаратумангаз» газ таъминоти бўлими ходимлари билан бирга корхонанинг табиий газдан фойдаланиш ҳолати қайта ўрганилганида, якка тартибдаги тадбиркор К.Н.нинг ўзбошимчалигига чек қўйилди.
Темирчилик цехи масъуллари Принс-25/40 русумли завод рақами 6016761 электрон газ ҳисоблаш ускунасини ўзбошимчалик билан ечиб олиб, табиий газ таъминотидан ноқонуний равишда фойдаланиб келган.
Олиб борилган текширувлар давомида ҳолат юзасидан газ сарфи қайта ҳисоб-китоб қилинди ҳамда К.Н. томонидан 28 800 метр/куб газ сарфи ишлатилган бўлиб, 19 008 000 сўм миқдорида моддий зарар етказилгани аниқланди.
«Ҳудудгаз Фарғона» газ таъминоти филиали «Данғаратумангаз» газ таъминоти бўлимининг бош муҳандиси, Меҳнат муҳофазаси ва техника хавфсизлиги бўйича етакчи муҳандиси, Истеъмолчиларга газ жиҳозларига сервис хизмат кўрсатиш хизмати бошлиғи ҳамда Табиий газ ҳисобининг автоматлашган тизимини жорий этиш хизмати техниги лавозим йўриқномаси доирасида етарли равишда ишни ташкил қилмаганлиги ҳамда масъулиятсизлиги сабаб улар билан тузилган меҳнат шартномалари бекор қилинди.
Изоҳ (0)