Farg‘ona viloyati Oltiariq tumanida nazoratsiz yurgan 14 nafar voyaga yetmagan bola aniqlanib, voyaga yetmaganlarga ijtimoiy-huquqiy yordam ko‘rsatish markaziga joylashtirildi. Bu haqda viloyat ichki ishlar boshqarmasi axborot xizmati xabar berdi.
Qayd etilishicha, viloyat bo‘ylab hamkor tashkilotlar bilan birgalikda jinoyat va huquqbuzarliklarning oldini olishga qaratilgan dolzarb 40 kunlik tadbirlari doirasida Oltiariq tumanida ham kunduzgi va tungi profilaktik tadbirlar amalga oshirilmoqda.
Tuman hududida faoliyat yuritayotgan ko‘ngilochar ko‘cha va jamoat joylarida olib borilgan reyd tadbirlari davomida Rishton tumanidan kelib nazoratsiz yurgan 14 nafar voyaga yetmagan bola aniqlanib, ular tomonidan kelgusida jinoyat va huquqbuzarliklar sodir etilishining oldini olish maqsadida voyaga yetmaganlarga ijtimoiy-huquqiy yordam ko‘rsatish markaziga joylashtirildi. Tadbirlar joylarda davom etmoqda.
Avvalroq ham Oltiariqda 11 nafar voyaga yetmagan bola ijtimoiy-huquqiy yordam ko‘rsatish markaziga joylashtirilgandi.
Izoh (0)