Farg‘ona viloyatida 2022-yilda qovun eksporti hajmi 1 million dollardan oshdi. Bu haqda viloyat bojxona boshqarmasi xabar berdi.
2022-yilning o‘tgan 7 oyi mobaynida Farg‘ona viloyati bojxona boshqarmasi tomonidan qiymati 1 million dollarlik 2100 tonna qovun eksport bojxona rejimiga rasmiylashtirildi. Mazkur qishloq xo‘jaligi mahsulotlarining 69 foizi Rossiyaga eksport qilingan bo‘lsa, qolgan qismi Belarus, Germaniya, Chexiya, BAA, Polsha, shuningdek, qo‘shni Tojikiston, Qirg‘iziston va Qozog‘iston kabi davlatlarga eksport qilingan.
Ma’lumot uchun, 2021-yilda Farg‘ona viloyati bojxona boshqarmasi tomonidan qiymati 1,8 million dollarlik 4900 tonnaga yaqin qovun Rossiya, Ukraina, Chexiya, Germaniya, Belarus, Qirg‘iziston va Qozog‘iston kabi davlatlarga eksportga rasmiylashtirilgan.
Izoh (0)