2022-yilda 37 ta madaniy meros obyektida restavratsiya ishlari uchun qariyb 85 mlrd so‘m ajratiladi. Bu haqda AOKAda o‘tkazilgan brifingda Madaniy meros agentligi axborot xizmati rahbari Mohinur Imomova ma’lum qildi.
Shuningdek, “2022–2023-yillarda muzeylarda xizmatlar sohasini rivojlantirish bo‘yicha chora-tadbirlar dasturi”ga muvofiq “Madaniy meros kodeksi”ni ishlab chiqish belgilanmoqda.
Ishlab chiqilayotgan kodeks loyihasi 6 ta bo‘lim, 23 ta bob va 154 ta moddadan iborat.
Ishchi guruhning o‘rganishlari natijasida respublika hududida joylashgan davlat mulki bo‘lgan 8210 ta madaniy meros obyektidan 740 tasida ijara shartnomasi tuzilgani aniqlandi.
Uzoq muddatga ijaraga berilgan madaniy meros obyektlari esa 23 tani tashkil qiladi.
Bundan tashqari, moddiy madaniy merosning ko‘chmas mulk obyektlarini foydalanishga (ijaraga) berish va ulardan foydalanishda qonun hujjatlariga rioya etilishi holatini o‘rganishda 15 milliard 365 million 19 836 so‘m debitor qarzdorlik aniqlandi.
Izoh (0)