Farg‘ona viloyati Toshloq tumanida fermer xo‘jaligi bankdan qarzini garovdagi Malibu olib qo‘yilgach to‘ladi. Bu haqda Majburiy ijro byurosi “Daryo”ga ma’lum qildi.
Byuroning Toshloq tumani bo‘limi tomonidan FIB Farg‘ona tumanlararo sudining 2-iyundagi qaroriga asosan qarzdor “A.O.T.” fermer xo‘jaligidan undiruvchi “Ipotekabank” Farg‘ona filiali foydasiga 279 118 000 so‘m kredit qarzni undirish haqidagi ijro hujjati bo‘yicha qarzdor ogohlantirilgan. Ammo bank oldidagi qarz to‘lanmay kelgan.
Davlat ijrochisi tomonidan 27-iyul kuni garov mulki bo‘lgan Malibu avtomashinasiga nisbatan qidiruv e’lon qilingan.
Boshqarmaning qidiruv sho‘basi tomonidan olib borilgan tezkor-qidiruv harakatlar davomida 29-iyul kuni Malibu topilib xatlangan va byuroning jarima maydoniga olib kirilgan.
Xatlangan avtomashinani savdoga qo‘yish jarayonida qarzdor 9-avgust kuni bankdan bo‘lgan 279 118 000 kredit qarzini to‘liq to‘ladi va ijro ishi amalda tamomlanib, Malibu avtomashinasi egasiga qaytarildi.
Izoh (0)