Fransiya hukumati rossiyaliklar uchun Vensen qasriga kirishni chekladi, deb yozadi Meduza.
Agence France-Presse qayd etishicha, qasrda Fransiyaning harbiy arxivlarni boshqaruvchi tarixiy mudofaa xizmati bosh qarorgohi joylashgan, shu sababli qasr Madaniyat vazirligi va Mudofaa vazirligi tomonidan birgalikda yuritiladi.
Harbiy idora aniqlik kiritishicha, Ukrainaga hujum tufayli, rossiyaliklarning Mudofaa vazirligi qaramog‘idagi “harbiy inshootlar”ga kirishi cheklangan.
AFP yozishicha, iyul oxirida ikki nafar rossiyalik ayol qasrga kiritilmagan. Ularning so‘zlariga ko‘ra, qo‘riqlov xizmati ulardan pasportlarini ko‘rsatishni so‘ragan, keyin esa ular bu yerga kirishi mumkin emasligini aytgan. Buning sababi haqida so‘rashganida esa soqchi: “Chunki sizlar rossiyaliksizlar”, — deb javob bergan.
Vensen qasri XIV—XVI asrlarda qurilgan. Dastlab u yerda qirollar qarorgohi, so‘ng — qamoqxona joylashgan. Bu qamoqxonada markiz de Sad, Deni Didro, Mata Xari kabi mashhur mahbuslar saqlangan.
Izoh (0)