“Kommersant” nashrining xabar berishicha, Ozarbayjon Mudofaa vazirligi Armaniston bilan chegarada va Tog‘li Qorabog‘da o‘t ochishni to‘xtatish rejimi buzilganini ma’lum qilgan. Boku arman harbiylari Ozarbayjon pozitsiyalarini o‘qqa tutganini da’vo qilmoqda. Tan olinmagan Tog‘li Qorabog‘ Respublikasi rasmiylari bunga javoban Ozarbayjonni otishmada aybladi. Armaniston Mudofaa vazirligi esa Ozarbayjon harbiy boshqarmasi bayonotini dezinformatsiya deb atagan.
Vazirlik ma’lumotlariga ko‘ra, so‘nggi 24 soat ichida “Arman qurolli tuzilmalari” Ozarbayjon armiyasining pozitsiyalarini o‘n marta o‘qqa tutgan. Xususan, Rossiya tinchlikparvar kuchlari joylashgan hududlardan “noqonuniy arman qurolli tuzilmalari” a’zolari snayper miltiqlari va turli o‘lchamdagi o‘qotar qurollardan o‘q uzgan. Biroq tomonlar hech qanday zarar ko‘rmagan.
Barcha hollarda Ozarbayjon armiyasining bo‘linmalari tegishli javob choralarini ko‘rdi. Ozarbayjon–Armaniston davlat chegarasidagi, shuningdek, Rossiya tinchlikparvar kuchlari vaqtincha joylashgan Ozarbayjon hududida so‘nggi paytlarda yuzaga kelgan keskinlik uchun barcha javobgarlik Rossiya Federatsiyasi hukumati bilan bog‘liq, — deyiladi Ozarbayjon Mudofaa vazirligi matbuot bayonotida.Stepanokert bunga javoban Ozarbayjonni sulhni buzganlikda aybladi. “Dushman 7-avgustdan 8-avgustga o‘tar kechasi chegaraning bir necha yo‘nalishida o‘q o‘qotar qurollardan foydalandi”, — deyiladi “DQR” harbiy qo‘mondonligi bayonotida.
Ozarbayjon Mudofaa vazirligi so‘nggi kunlarda Armaniston Qurolli kuchlari bo‘linmalari Armaniston–Ozarbayjon chegarasining bir necha yo‘nalishlarida joylashgan Ozarbayjon pozitsiyalarini o‘qqa tutgani haqida dezinformatsiya tarqatishda davom etmoqda, — deyiladi Armaniston Mudofaa vazirligi xabarida.3-avgust kuni Boku “Qasos” maxsus operatsiyasi davomida Qorabog‘da bir qancha balandliklarni qo‘lga kiritilgani haqida xabar berdi. Armaniston bosh vaziri Nikol Pashinyan Rossiya tinchlikparvar kuchlari mintaqada harakat qilishi kerakligini, aks holda ularning u yerda bo‘lishi “bir qancha savollar tug‘dirishi”ni aytdi. Qorabog‘da otishmalar dam olish kunlari, 6- va 7-avgust kunlari ham davom etgan.
Mavzuga doir: Blinken Yerevan va Bokuni Qorabog‘ mojarosini to‘g‘ridan to‘g‘ri muzokaralar yo‘li bilan hal qilishga chaqirdi
Izoh (0)